Кейбір адамдар машинаға, киімге мұқтаж болуы мүмкін, ал кейбір адамдар ең қарапайым азық-түлікке мұқтаж. Күн суықта бұл мұқтаждық одан да көбірек. Сондықтан, біздің «Шұғыла» қорымыз 2015 жылы 12-13 желтоқсан аралығында «Береке» жобасының кезекті азық-түлік тарату шарасын ұйымдастырды.
Ішінде ұн, макарон, күріш, күнбағыс майы, шай, қант, қызанақ пастасы, тосабы (варенье) бар 500 азық-түлік себетін жинадық. Азық-түліктер Еңбекшіқазақ, Жамбыл, Қарасай және Талғар аудандарындағы үйлерге жеткізілді. Себеттерді алған барлық отбасылардың әлеуметтік жағдайы нашар, қаржылай мұқтаждықтары бар.
Рахымбаева Кенжегүл анасының үйінде тұрады. Күйеуі оны 8 жыл бұрын тастап кеткен, сол үшін өзінің 2 баласын ол үйінде жалғыз өзі асырап жатыр. Кенжегүлдің жұмыс жасау мүмкіндігі жоқ, сондықтан бүкіл отбасы әжесінің 30 000 тг. зейнетақысына қарап отыр. Осындай қиыншылықтардан өткен болса да, бұл кісілердің жылы жүздері бізді қуантты.
Жодыбаев Рақыш атамыздың үйін де зиярат жасадық. Ол жалғыз өзі тұрады, қызы қалада жұмыс істейді. Рақыш ата күрделі аурумен аурады, сондықтан 35 000 тг. зейнетақысының көп бөлігі дәрі-дәрмекке, көмірге кетіп, басқа нәрсеге ақша қалмайды.
Жумабекова Анар да азық-түлік себетін алды. Оның жағдайы аянышты, себебі 13 жыл бұрын күйеуі оны 2 қызымен тастап кетті. Ол өз балаларына және 2-ші мүгедек тобындағы інісіне қамқорлық жасап жүр. Анардың бір айлық жәрдемақысы 8000 тг. құрайды. Бұл сомаға үйді асырау өте қиын.
Алтыбасаров Еркінжан ағамызға да себет жеткіздік. Ол үйінде қызымен және немересімен тұрады. Бұл отбасының тұрақты табысы жоқ. Тек қана отағасының қосымша табыс тапқаны болмаса. Ауылда жұмыс жоқпен тең, сондықтан отағасының жағдайы оңай емес.
Абдыманапова Рабатаның үйіне келгенде бізді оның кішкентай қызы қарсы алды. Ата-анасының қаржылық жағдайы ауырлап кеткені үшін бұл кішкентай қыз балабақшасына бара алмай жүр. 4 балалы отбасы отағаның зейнетақысымен және анасының әр-түрлі шараларда өлең айтып қосымша табысымен күн көріп жүр.
Отбасыларға алып келінген көмек үлкен емес, бірақ әр жанұяға мұқтаждық және қуаныш болып табылады. Олардың барлығының біздің қорға деген алғыстары шексіз. Біз болсақ, сіздердің қаржылай көрсеткен көмектеріңіз және еріктілік қызметтеріңіз үшін сіздерге алғысымызды айтамыз! Көрсеткен мейірімділіктеріңіз үшін көп рахмет!
Өткізілген шараның демеушісі: UPS Юнайтед Парсел Сервис (KAZ)
Фото:
