9 маусымда «Ең керемет күн» жобасы аясында «Нұр» балалар үйінің 34 тәрбиеленушілеріне көңіл-көтеру және танып білу шарасы өткізілді.
Балалардың күні қызыққа толы болды. Балалар зоопаркке серуендеуге барды, кафе және мейрамханада тамақтанды, антикафе ойын-сауық кешенінде көңіл көтерді, «Шоу профессора Николя» танып білу шоуын тамашалады. Күн бітерде балалардың барлығына сыйлықтар таратылды.
Осындай күндер жетім балалар үшін өте маңызды. Себебі, бұл күндері олар тек қана көңіл көтеріп қана қоймай, қоғамымыздың оларды ұмытпай, оларға да көңіл болетініне күә болады. Осы күні балалар үйінің тәрбиеленушілері Диас, Айбар, Наташа, Жансая сияқты балалар өздерінің жақсы көретін спорт түрлерін ойнай алды, қызыққа толы күнді жолдастарымен өткізді.
Осы шараны ұйымдастыруға қорымыздың демеушілеріне, ұйымдастырушыларына және еріктілеріне шексіз алғысымызды білдіреміз. Ұйымдастыруға мол үлес қосқан және балалармен ойнап, оларға ерекше көңілдерін бөлген еріктілерімізді ерекше атап өткіміз келеді: Руслан Шмидт, Диас Джанпейісов және Елена Саулкина.
Демеушілер:
• Алматы қалалық зоопаркі
• Қазақстандағы «KFC» брэндінің өкілі ЖШС «Caspian International restaurant group»
• «Еxtra Time» антикафесі
• «Шоу профессора Николя» шоуының өкілі ЖШС «Занимательная Наука»
• «Халал Палау» палау орталығы
• «Cheesy» кондитерлік компаниясы
Ұйымдастырушылар
• «Шұғыла» қоғамдық қорының еріктілері
• «Нұр» балалар үйі
