2016 жылдың 27 ақпанында «Шұғыла» қоғамдық қорының Шымкент қаласындағы филиалы ОҚО Төле би ауданы, Шахта-Тоғыз ауылының жетімдер үйінің балаларына «Ең керемет күн» жобасын өткізді.
Бұл жобаның бағдарламасы бойынша жетімдер үйінен 40 бала алынып, Шымкент қаласындағы Зоопаркке апарылды. Түскі ас уақытында «Несібе» мейрамханасында балалар үшін дастархан жайылып, «Шаншар» продюсерлік орталығы және «Дисней» ұйымының қатысуымен әртүрлі билер, әндер, ойындар, шоулар ұйымдастырылды. Соңында әр балаға жеке сыйлық табысталды.
Бұл іс-шараның керемет өтуіне балалармен бірге өткізген еріктілердің қуанышы және ең бастысы балаларымыздың қуанышы дәлел болды.
«Ең керемет күн» жобасы Зоопарк әкімшілігінің, «Шаншар» продюсерлік орталығының, «Дисней» ұйымының, «Оңтүстік Тұлпар» ЖШС-нің және де еріктілеріміздің қолдауымен жүзеге асты.
Қолдау көрсеткендеріңіз үшін алғысымызды білдіреміз!
